[轉貼]元朗馬x村(1x5)號

大約7年前...下午6:00左右發生既事,
係我自己既親身經歷, 到而家仲好難忘~

間屋係o係好急既情況下租既, 當時租$2300,
350呎...係中間果層2樓(共4層),
睇樓果陣係下午3:00左右, 因為覺得2個人住都夠用,
而且出入好方便(行去市中心都係10分鐘),
冇留意其他野就租左!

到第2日下午.......
我自己買齊野上新屋諗住拜4角,
就開始覺得間屋好涼, 雖然間屋都算多窗,
但其實間屋係俾週圍D樓遮住, 根本冇可能咁凍,
果陣仲係夏天(約30-32度)!
但我都冇諗咁多, 只係諗住拜完就快閃,
我仲帶埋部念佛機一路開住一路拜,
不過....實在越拜越唔對路, 真係好凍..............???????????????

唔理咁多..一搞掂就9秒9去搵個地產,
問佢之前間屋幾耐冇租過出去,
個師奶地產話.......個租客搬左唔夠2個月, 因為抽到屋搬架, 做咩事呀??
我咪同佢講...間屋好凍架, 係咪有D咩事架, 係就講清楚好喎!
個師奶地產話.......冇野呀...上手個租客住左2年有多啦!
佢咁講...咁我咪諗住可能真係冇野呢, 係我自己細胆姐...跟住就走左!

3日後..........
上午一早搬入去, 可能成日勞動完啦, 出晒汗又熱...咪好似冇乜野囉,
連續幾晚訓覺都冇咩發生, 所以都冇再理!
但幾日後......開始覺得呢度唔舒服, 果度唔舒服咁,
一時又發燒, 一時又頭暈, 總之唔知想點咁啦.............,
而且仲開始訓晏覺成日發綺夢....發得好密...............
仲係好真實既感覺(差唔多次次有***果隻),
而且一定係我老公唔係我身邊先係咁,
咁我夜晚咪同老公講囉....
佢仲笑我話......你就好啦咁多綺夢發, 我想發都冇???

一日又一日咁過....足足病左我一年多,
次次話想搵野做就病到出唔到門口, 綺夢又繼續發, 都好想搵地方搬.....
點知.....有一日出門口,
咁啱撞到住我樓上個租客, 第一次撞到佢........佢好驚訝咁話................
嘩..........你好似住左成年喎, 冇事咩?????????
我當時打左個突, 即時問佢咩事呀, 點解你咁講????????
佢話......我租樓上果陣, 係同個女fd一齊租既, 佢一個女仔租, 我地就2公婆,
但個fd住左3日都唔掂就即走, 你住到成年真係勁!!!!!
咁我咪搶住問點解呀....有咩唔怕講,
佢話....你上來我度先講啦, 你間屋真係唔掂, 係門口講都覺得好凍!!!!!!!!

上到佢度....佢一坐低就話...............
你搬入來果陣見唔到有度符係屋入面門頂咩???????????
我話....冇呀...見唔到喎, 業主做過簡單裝修, 油過晒油, 我唔見喎???????
佢話.....我個fd睇樓時未油新油, 所以見到有度符,
當時即時問地產, 地產話係平安符姐, 唔使咁緊張!
點知......個fd住左幾日, 就晚晚有野搞佢(性騷擾), 一入房訓就搞,
個fd實在3日都頂唔順......嚇到同個業主嘈要退租,
後尾........個業主都算數俾佢走, 費事再嘈!!

我一聽到...就嚇到面都青埋, 即刻同埋樓上個租客搵地產,
但佢死都唔肯幫我搵業主!
如事者.....我唯有住住先, 一路搵屋唔俾地產知.............
點知......唔夠一個星期,
有一日我訓晏覺, 又發綺夢.......
但今次好唔同....感覺好強烈, 好似做緊一樣,
我當時好清醒, 因為我想睜大對眼但點都睜唔開,
直至完事....我開始可以睜開對眼...........
點知.......................
我睇到個黑影係我床尾行出房門(個影肯定係男人, 雖然係唔實在, 但睇得好清楚),
當時好驚...唔知點算????????

一直硬住頭皮等老公一返來就同佢講,
佢一聽到.....第一時間話.....唔好理喇......55555555搵屋搬再講!
結果我地都動作好快.....同業主嘈得好勁, 一個星期就搵到屋即搬!